انا مابحسش اذن انا برواز
ساعات كتيره احس اني برواز معلق من قفايا علي الحيط في فتله دايبه
علقني صاحبي ونسيني .
وانا مستني عيل صغير يضرب طوبه في البرواز ينكسر اخرج انا
وساعات مش بحس خالص انا مابحسش اذن انا برواز .
كل 10 دقايق
يتم قطع ارسال التليفزيون واخطار المشاهدين ان البلد بتتحرك
وعلي المشاهد انه ياخد له ساتر او يمسك في الكرسي
افطس من الضحك علشان بفتكر نورماندي تووو في ابن حميدو وهي بتغرق
مشهد مكرر
من 6 مشاهد
حضر عدويه احد الاجتماعات العبقريه لمناقشه القضايا ذات الاهتمام المشرك والعلاقه بين الشعب واي حد
وكان عدويه متنرفز جدا وقال كلام وهو مش في وعيه في اول الجلسه حين هدده احد الحاضرين انه مسنود اوي :
مشهد 1
عدويه انا مش عاجبني الوضع ده ومش بتهدد :
ع1 : كله على كله
لما تشوفه قوله
هو فاكرنا ايه ؟ مش مليين عنينه
هو فاكرنا مين ؟ داحنا معلمين
لو الباب يخبط نعرف بره مين؟
مشهد 2
الباب يخبط يدخل ح1 مفزوعا :
ح1 مصيبه ياجماعه البلد مش لاقينها
ح2 شوفها كدا يمكن بلدنا عالترعه بتسغل شعرها ؟
ح3 اطمنوا متخفوش ياجماع خير ان شاء الله البلد بتتحرك يمكن مخوقه بتتمشي شويه
ح3 بتتحرك ازاي ياعم هي بلدنا بتمشي وهي نايمه ؟
ح4 ايوه ياجماعه ان شفتها راكبه توك توك
ح5 والله انا خايف بتاع التوك توك يغتصبها
ح6 ماتخفشي ياعم بلدنا متربيه احسن تربيه الدور والباقي علي سواق التوك توك
ح7 ماتعرفشي مين سواق التوك توك ده ؟؟؟؟؟؟
ح9 شكل كدا عايز تودينا في داهيه اقفل المشهد ده بسرعه واجري .
ح10 انا شايف ان نعملها نداء في التلفزيون ونقول لها ارجعي يا ام الدنيا متخفيش واللي انكسر يتصلح
ح11 لاء نستعين بعدويه احسن حل
مشهد 3
عدويه يخبط الباب برجله ويصرخ :
عيله تايهه ياولاد الحلال
ببلوزه نيلون نيلون علي جيبه ترجال
واللي يلاقيها يلاقيها يخطرنا في الحال
يا.... يا ولاد الحلال
........
مشهد 4
اطمنوا ياجماعه لاقيناها الحمد لله بس مش بتتكلم خالص :
ح1 : كانت فين ؟
ح2 : كانت بتتحرك ناحيه الشمال بتصدر غاز
وناحيه الجنوب بتزرع قمح في السودان
وناحيه .....
ح1 : شكلها تعبانه اوووووي
ع1 :سلمتها أم حسن.
سلمتها أم حسن من العين والحسد
وسلامتك ياحسن
ومن الرمشد اللي حسد
ح2 : هي عندها ايه ياعدويه ؟
ع1 : جالها الدور اللي ماشي
والدور منيمهاشي
والعين مسيبهاشي
محسوده ام حسن
ح2 : طيب مانعملها زار ؟
ع1 : عملولها الزار لطشها
كانه عيار داوشها
ياريت كان حد حاشها
معزوره ام حسن
ح2 : انا او مره اشوفها بالحاله دي ؟
ع1 :ملبوخه ليه ملبوخه ؟
مالفكر جالها الدوخه
حرقت شابه وفاسوخه
مارقتشي ام حسن ؟
مشهد 5
اطمنوا ياجماعه الحمد لله بلدنا فاقت واتكلمت :
ح1: قالت ايه ياعدويه ؟
ع1 :بتقول عم ياصاحب الجمال
ارحمني انا ليلي طال
ح1: طب شفها ياعم عايزه ايه الست كبرت وخرفت ؟
ع1: بتقول شوف لي جمال علي اد الحال
يعوض صبري اللي طال
ح1 : وانته قلت ليها ايه يافقري ؟
ع1 : قلت ليها ماينفعشي
ح1 : ليه بس كدا ياعدويه ؟
ع1 : الواد لسه في اللفه وعامله زيطه وزفه
وده خلي العقل استكفي اكمنه شبهه ابوه
الواد لسه صغير قاعد في اللفه صغير
وده خلي العقل اتحير اكمنه شببه ابوه
السح ادح امبوه
ح1: عاجبك كدا ؟ ياعيني الواد بيعيط
ح2 : الست قاهره نفسها عماله تقوله شوف لي جمال شوف لي جمال والكبير مطنش خالص
ح3 : يدخل بيصرخ ههههههه انا جبت ليكي جمال يا ام الدنيا
ام الدنيا : الله يخرب بيتك ويغمي عليها
ح3 : متخفيش ده جمال الشاعر
ام الدنيا : هزارك باااااايخ اوي يارخم
مشهد 6
مشهد اخير :
ع1 : يخرج عدويه مدندنا بصوت حزين مهموم اكبر من هموم الوطن المحتل
ياعيني الواد بيعيط ....
ياعيني الواد بيعيط ....
ياعيني الواد بيعيط ....
ياعيني الواد بيعيط ....
كتبها ابن البلد في 10:21 صباحاً ::
73 تعليق
في19,أيار,2008 - 11:51 صباحاً, جرحٌ بملامحِ إنسانِ كتبها ...
شيل الواد من الأرض
أدي الواد لأبوه
الواد حيفضل يعيط يا ابن البلد لغاية ما يرجع لأبوه
البلد فعلا بتتحرك بس لازم تخلي بالك لانها بتتحرك لللخلف وما عندهاش مريات في العربية وممكن تدوسك، وساعتها العيب حيكون عليك لانك وقفت في سكتها وهي بتتحرك
وأم الدنيا الواحد مش قادر غير يحبها وهو جواها وهو بعيد عنها
برضو الواحد بيحبها، ومسيرها ترجع تاني، بس المهم ما ترجعش للخلف
دمت بخير
في19,أيار,2008 - 12:23 مساءً, mona sawy كتبها ...
***....تصدق و تؤمن بالله
...أنا انهارده في أشد الاحتياج للضحك..و أنا عشان أضحك مش بالساهل..
...وربنا بعتك ليا لأنه عالم بيا..و على فكره ..فعلاً كله على كله..بس لما تشوفه
...ما تقولش ان انا اللي قلت ..الواد لسه في اللفه..و ممكن تجيلوا هفه..اكمنه شبه ابوه
... خلينا احنا في البرواز حيث الأمن و السلام...
.
في19,أيار,2008 - 12:45 مساءً, ميساء البشيتي كتبها ...
اخي العزيز ابن البلد
مرور سلام وتحية
راجعة للقراءة بتمعن وتعليق
اخي تعليقاتك موجودة منزلة عندي اما اذا في غيرها ما بعرف
لكن اللك تعليقات عني ولا يهمك اخي انت من اهل الدار
ودمت بالف خير وسلامة
في19,أيار,2008 - 01:50 مساءً, محمد عبدالله كتبها ...
مساء الخير
بصراحة احلى امسية الو حد يتمساء على احلى صوره
بس الاول شكله كان عندنا مش عربي وديتوه فين
تحياتي لك
في19,أيار,2008 - 02:07 مساءً, هند كتبها ...
سخريتك موجعة ..
ساعات كتيره بحس انى برواز
معلق من قفايا عى الحيط
فى فتله دايبه..
هى دايبه فعلا يا ابن بلدى ؟!!!
في19,أيار,2008 - 03:23 مساءً, ريما الشيخ كتبها ...
رغم الأسلوب الفكاهي والاغنيات الشعبية المسكوبة في ادراجك
الا انه مؤلم فعلا
تحياتي لك اخي
في19,أيار,2008 - 03:26 مساءً, حمدي المتولي كتبها ...
لو الباب يخبط نعرف بره مين؟ بس مطنشين
عاوززز تعرف لية مش هاقوووووولك
في19,أيار,2008 - 03:43 مساءً, غريب الدار كتبها ...
ياعمي انت من ايتها بلد وانت ليك ناس وناس والا ايه
ابن البلد وبس ماتحدد يااخينا ...
وبعدين عدوية جميل جدا لكن ادراجك يجمل شي من الالم
استطعت وابدعت في اصابة الهدف بذكاء ......
انت فين من زمان ماتيجي .. لكن بامانة ادراجك جميل جدا وانت ابن بلد راقي
مســـــــــاءك سكر واحلي
صديقك
غريب الدار
في19,أيار,2008 - 05:54 مساءً, ابن مصر كتبها ...
طول عمر ابن البلد مثال الشهامة و الجدعنة
فا كونك حاسس انك برواز فهذا شىء جميل تعرف لية
لان البرواز هو الى بيحتوى الصورة و من غيرة تكون الصورة مش معروضة و تكون فى درج مستخبية او على الارض مرمية
هو الى يحضنها بين ضلوعة الاربعة و يرعاها و الزجاج عمرة ما يغطى الوحة الاصلية المرسومة لكن يغطى صورة
فا يا ابن البد انت حقا البرواز الى واضح انة شايل صورة المحروسة الجميلة بين ضلوعة الاربعة
في19,أيار,2008 - 06:39 مساءً, cinderella كتبها ...
هههههههههههه
والله بجد مضحكه مع انها مبكيه بجد
احنا معلمين
ههههههههههههههه
في19,أيار,2008 - 08:22 مساءً, ابن مصر كتبها ...
و الة يا ابن البلد انا فعلا كسلان
يعنى بقالى اسبوع بكتب عن القمح و لسة بزرة و مجمعتوش اصلى الحكومة عيزة تشترية بسعر اقل بكتير من السعر الى بتستورد بية مش عارف لية يعنى القرش الزيادة يروح للغريب و يبخل بيه على القريب
بالمنسبة انا بحب الحمير جدا و باحترمها لانة حيوان مؤدب جدا
لو فى عربية معدية قدامة تلقية يقف و يوطى راسة
و طبعا استاذ الاساتذة توفيق الحكيم اول و صاحب كتاب ( حمار الحكيم و كتاب حمارى و عصاى ) و لامؤخذة اسمحلى ارجع لكسلى
في19,أيار,2008 - 08:48 مساءً, walaa كتبها ...
اهلا بيك يا ابن بلدنا في الاول احب اشكرك لزيارة مدونتي وبالنسبة للغلط في الاسم ولا يهمك يا عم يعني غلط في البخاري اما بقه المصريين الجدد والمتحف اللي عايز تعمله عشانهم فا ايدي علي كتفك بس منين يا جيهة
في19,أيار,2008 - 11:26 مساءً, طاهر الصوفانى كتبها ...
ابن البلد يابن البلد
السلام عليكم ورحمه الله وبركاته
والله لاتسعني كلمه شكر لكم
وانا باسمي واسم الاخوه الاستاذ عادل حجازي والدكتور محمد رياض والاستاذ معنز خله
اشكركم بالنيابه عتهم واعتزر لكم جميعا عن اي سوء صدر مني وبالانابه
اخواني والله انتم من رفعتم قدري وانتم من تهموني
ولم يمسني السوء طالما انتم بجواري وانا اتحدث بالانابه والاصاله عن اخواني لو تقبلوني
وهكذا هم اولاد الناس والافاضل واصحاب العلم يظهرون بحقيقتهم وقت الشدائد
التمس منكم العزر اخيرا في تاخري الفتره الماضيه والحاليه عن زيارتكم
وتقبلوني بينكم
انا اقل خلق الله
في19,أيار,2008 - 11:29 مساءً, Linda كتبها ...
عزيزي ابن البلد
أسعدالله أوقاتك
الي بيضحك كتير معناه موجوع كتير!
أسلوب فكاهي ولكن بين ثناياه ألم
يعطيك العافيه
أتمنالك الصحه والتوفيق
احترامي
في19,أيار,2008 - 11:31 مساءً, طاهر الصوفانى كتبها ...
ههههههههههه
هههههههههههههههههه
يخرب عقلك يخرب عقلك
جبت الخيال ده منين
وابعد عن التوك توك الله يكرمك وسواقينه وسيب الواد في الارض يعيط ولا يتفلق
اهو ليه اهل يدورو عليه
اسمه بما انك بقي غاوي حمير
هسالك سؤالين
منا بردو ليه في الموضوع شويه
1\ يعني ايه حمار ( شموس )
2\ في اي شهر تموت الحمير بكثره
يالله حضر الاجابه علي مارجعلك اكمل باقي الاسئله
ههههههههههههههه
في20,أيار,2008 - 02:38 صباحاً, معتز خلة كتبها ...
وأنضم لطاهر يعنى أيه حمار حصاوى ومين أكبر حمار فى البلد
في20,أيار,2008 - 07:49 صباحاً, ابن البلد كتبها ...
اخي العزيز
طاهر معتز خله الكبير
اشكركم علي اسلتكم الذكيه
بس ياعم طاهر انا معرفشي يعني ايه حمار شموس
تنويه
الحمار كائن وديع جدير بالاحترام والحب له طله جميله ووجه سموح عليه علامات الرضا
واخيرا تم استخدام الحمير اسواء استخدام
لعب الاستحمار دورا كبيرا في تحويل الانظمه من " النظام الحموري" الي " النظام الملكي "
ويقال استحمرت فلان اي جعلت منه صفات الحمار
وجمع حمار : حمر
صفاته :
الصبر والطاعه وتحمل المشاق دون عناء
الاعمال المكلف بها:
الركوب وحمل الاثقال وجر العربات ده طبعا غير الشتيمه والضرب وقله القيمه كل شويه
عمر الحمار :
يعيش من سن 30-40 عاماً
يبدا العمل عند : بلوغه أربع سنوات حيث يكون قد اكتمل نموه.
تسمى أنثى الحمار أتان.
حساوي : اول مراحل نمو الغالي يقال حساوي انتماء الي قبيله حسا في شبه الجزيره العربيه والله اعلم ياعم
الجحش: هو مرحله النمو التاليه للحساوي
الحمار : هو المرحله الاخيره من اطوار نمو صاحبنا الغالي النمو التاليه للحساوي
طرق التعبر عن الحمار :
الرفص: لما يكون الخصم خلفه
العض : لما يكون الخصم امامه لما بيكون فاض بيه ومضايق شويه
النهيق : لما بيكون بيبعت رساله او ميسد كول لحد غالبا لما بيكون جعان او مضايق
شمشمه : رفع ازنيه الي اعلي منتشيا لما بيشوف موزه
في20,أيار,2008 - 11:00 صباحاً, معتز خلة كتبها ...
أسمع فيه أشاعة بتقول أنك عضك حمار وجالك أستبحس مزمن بلاش تيجى عندى اليومين دول أحسن أنا جسمى حساس وعندى نقص فى المناعة
في20,أيار,2008 - 12:36 مساءً, الكاتب الساخر/ اسلام فتحي سعد كتبها ...
والله ضحكتني جدااا جميلة قوي فكره البرواز دي
يشرفني منك زيارتك الكريمة لمدونتي المتواضعة
جديدي قصيدة " ستون مقطعا لموتي البطيء ...في ذكري الوكسة العربية "
في20,أيار,2008 - 02:52 مساءً, غالية كتبها ...
اسلوب ساخر ومميز
استمتعت بالقراءة..
من شر البلية ما يضحك
لك تقديري
في20,أيار,2008 - 03:07 مساءً, aleaa alnagar كتبها ...
ممكن سؤال محيرني هو انت مستضعف الحمار يعني كل دي صور عليه والله صعب عليا
في20,أيار,2008 - 03:35 مساءً, dina seliman كتبها ...
هههههههه
بجد والله موضوع جامد جدا
سيبت المذاكره وقلت لازم اقرى واعلق
ولازلت عند اعجابى بكميه صور الحمير دى
اللى لاشفت ولا هشوف زيها
دمت بكل الخير
في20,أيار,2008 - 04:37 مساءً, عبدالمنعم بن عطوة كتبها ...
ههههههههههههههههه
ما شاء الله
رائع يا ابن البلد
المفروض تعمل المشهد السابع على شاكلة الأفلام المصرية
المشهد السابع:
بعد عدوية ما قال: يا عيني الواد بيعيط
ح1: خلاص يا جماعة أبشروا البلد استقرت ووقفت وبطلت تتحرك
ح2: الحمد لله
ح3: طيب هي استقرت فين؟
ح1: استقرت على شط النيل
ح4: يا نهار مدوحس.. على شط النيل؟
ح5: إيه في إيه؟
ح4: دي ممكن حد يخليها واقفه ومش واخده بالها ويـ......
ح6: الحقوا يا جماعة البلد بتغرق.. البلد بتغرق.. البلد بتغرق.. غرقت خلااااص.. غرقيييييييييت..
في20,أيار,2008 - 05:28 مساءً, غريـــــ محمود ابوعريشةــــــب19 كتبها ...
ههههههههههههههههههههههههه ضحكتني...
لك من قلبي تحية..
في20,أيار,2008 - 05:36 مساءً, مجهول كتبها ...
مدونه رائعه
انتظروا مدونتي الجديده
"أحرف و عيون"
أختكم الصغيره----/ سماء الشامي..
في20,أيار,2008 - 05:39 مساءً, سوما حسونه كتبها ...
ابن البلد
الا هيا مين هند دى ؟؟؟؟؟؟؟؟؟؟؟؟؟؟؟؟؟
تحياتى ليك
في20,أيار,2008 - 09:10 مساءً, سوما حسونه كتبها ...
ابن البلد
هو عدويه عمل كل ده
والله كان راجل طيب
وبعدين ما تسيب الحمار ف حاله بقى كفايه اللى حصله
تاعبه معاك من ادراج لادراج
ههههههههههههه
تحياتى ليك
في20,أيار,2008 - 09:18 مساءً, معتز خلة كتبها ...
أبن البلد أنت نايم ولا أيه بيقولك حيبيعو اليومين دول حمير صينى وبعدين عايز أسألك سؤال ؟ ؟ ؟ ليه الحمار لما تقولو زررررررررررر بيعيط زرررررررررررررررر
في20,أيار,2008 - 11:31 مساءً, مليان جراح كتبها ...
الصديق أبن البلد أجدع سلام وتحيه و100 مساء عليك
اسلوب ساخر جميل قدرت تعبر بيه عن حالة التوهان والخبطه
وسبت القاري يستشف المعانى من سطور سخريتك من الوضع الحالى للوطن
لك تحياتى
في21,أيار,2008 - 09:49 صباحاً, منــــــــــــى الـــــــــــروح كتبها ...
ههههههه
دائما طرحك واسلوبك من عرفت هذه المدونة مميز وغير الكل
يا عم دمت بود ودمت للابداع الجميل الذي من هذا النوع000
سلمت وسلم قلمك000
في21,أيار,2008 - 11:18 صباحاً, منــــــــــــى الـــــــــــروح كتبها ...
ابن البلد00
اهلا بيك يا عم يا لزيز انتا
معليش انا عارفه ليه انتا تبأ مكسوف 00بس معلش اصله على قلوبنا عسل
اولاد حلوين اوي0000
ولا يهمك المهم ابداعك وضحكتك الحلوهـ
اشكرك على الزيارهـ اللطيفه ودمك العسل
والحب بأه مالناش فيه000000نعمل ايه غير الكلام عنه وبس00
تعليقك جميل من جمال روحك وذوقك 00
اشكرك
ودمت بضحكه وسعـــــــــــادهـ مدى العمر
وماتبأش تتكسف تاني مرهـ ........
احترامي وتقديري ..........
في21,أيار,2008 - 01:21 مساءً, ميساء البشيتي كتبها ...
اخي ابن البلد
بتضل الفكاهة هي اقرب الطرق لتوصيل المعلومة واخفها على القلب
استمتعت اخي بالقراءة لك والله يبارك فيك
اتمنى لك كل خير وسعادة
في21,أيار,2008 - 02:08 مساءً, عماد النمر كتبها ...
سلامتها أم حسن من العين ومن الحسد
وسلامتك ياحسن من الرمش اللي حسد
في21,أيار,2008 - 08:33 مساءً, ابن مصر كتبها ...
ابن البلد
مساء الفل عليك و على الكل
مين قالك انى ماشفتش السيناريو الجميل و الربط بين ما احنا فية و اغنية عدوية لكن الى لفت نظرى اولا الاحساس بانك برواز و هو هام جدا و كما قلت لان البرواز هو الى بيحتوى داخل اضلاعة هموم المحوسة .. كذاك الفتلة الديبة لكن من باب الكسل لم اعلق عليها ... المهم ... ايوة صحيح رجلى خدة على مدونتك الجميلة و دى لسببين اولا اجد بها ما قد يمحى جزء من الهموم اليومية .. ثانيا لزيارة اخواتى الحمير الى صورهم فى المدونة مع العلم انك مافيش مرة عزمت عليا بحزمة برسيم و حتى جردل مية صحيح انهم شحين فى البلد لكن من باب عزومة مركبية .. لماخذة اسمحلى ارجع للكسل الجميل
في21,أيار,2008 - 09:50 مساءً, حمدي الطيرة كتبها ...
اخى /ابن البلد
اهدى لك هذه الابيات وشكرا على التعليق فى مدونتىوالقصيدة هى باللهجة المصرية :
كلام فى السياسة
ماليش كتير فى السياسة
لكن بافكر
وماليش كتير فى الكلام
لكن بعبر
من قلب مليان حماسه.
وباقول كلام فى السياسة.
باحلم تملى بالسعادة والامان .
باحلم أعيش من غير ما اخاف غدر الزمان .
وان جيت ونلت المنى .
يصعب عليا الهنا .
من غير ما يتهوا جميع الناس كمان .
ما اسعدش غير ف وطن سعيد من حواليا.
سموا الشعور ده حب ولا اشتراكية.
ما ليش كتير فى السياسة.
أوقات أحس كأنى على مفرق طريق.
احتار ويصبح قلبى فى الافكار غريق .
ولما اشور الجيران .
واشاور الخلان .
رأى الصواب يظهر جرىء وله بريق .
وأحس رأى حبايبى بينور عينيا .
ٍسموا الشعور ده حب ولا ديموقراطية .
ما ليش كتير فى السياسة.
بينى وبين ايامى حرب ما تنتهيش .
وزى كل الناس باموت علشان أعيش .
أتمنى أروح عندهم .
جهدى على جهدهم .
يصبح وجودنا قوة بعد ما كان مفيش .
وأنا ايش أكون وحدى لولاش بلدى عليا .
سموا الشعور ده حب والا تعاونية .
ما ليش كتير فى السياسة .
أنا قلبى مليان حماسة .
لكل شىء حر صادق .
ما ليش كتير فى السياسة .
لكن باحب المبادئ .
وباحب صاحب المبادئ .
الاشتراكية .
الديمقراطية .
التعاونية .
مع تحيات (صلاح جاهين)
فيلسوف ولاد البلد.
في22,أيار,2008 - 01:17 مساءً, محمد السيد كتبها ...
حبه فوق
وحبه تحت
الشلة فوق
والشعب تحت
طب ياللى فوق خف رجل اللى جابوك عن رقبة اللى تحت
و سلاماتى لعدوية
في22,أيار,2008 - 09:06 مساءً, عادل سعيد كتبها ...
غد الجمعة ...
أفضل أيام الله فيها خلق آدم و فيها تاب الله عليه و فيها خرج من الجنة للأرض ... يوم خير و مسئولية .. نميزه بثلاث .. تلاوة سورة الكهف .. الأكثار من الصلاة على الحبيب .. الدعاء قبل الغروب خاصة ..
و لا ننسى ..
يستجب الله للجميع
و يغفر للجميع
للجميع
الا المتشاحنين
اللهم تقبل
في22,أيار,2008 - 10:29 مساءً, ايمن حسين كتبها ...
احلى بلد بلدى.... اجدع ولد ابن بلدى
برغم الى بيها و اللى بيجرلنا فيها ........ تحية تقدير و اعزاز لابن البلد
بلدنا فعلا بتتحرك بس زى كلام المسئولين فيها دائما جايب معانا عكس
الظاهر ان العيب فينا احنا اللى مش عارفين نفهم او نتعلم حاجة من تجارب الاخرين
و طبعا مع كل الاحترام التقدير للاخرين احسن يطلع حد فيهم قريب حد من المسئولين
( الكبار الوصلين ) اللى دائما هما فهمين و سحبنا وراهم لفين محناش عرفين
على رأى فؤاد المهندس مش كده ولا ايه....
المشكلة انى مبعرفش اعوم
دمت بخير و تقبل مرورى
في23,أيار,2008 - 01:39 مساءً, طاهر الصوفانى كتبها ...
ابن البلد الرائع والبار
السلام عليكم ورحمه الله تعالي وبركاته
مساء الخير والبركه --- واشكر حضورك الباهي -- وكلامك الرقيق
واسلوبك العذب --ادام الله عزكم -- وانعم واسبغ عليكم فضله ونعمه
بفضل رسولنا الكريم -- وندعوه سبحانه في يومه المفضل
ان ينزل علينا رحمه من رحماته تتغمدنا
ان يغفر لنا زلاتنا -- ويفرج كربنا -- ويفك اسرنا-- ويتقبل دعائنا
وندعوه سبحانه ونتوسل اليه بفضل يوم الجمعه المباركه
ان يدوم عليكم وعلي كل الامه الاسلاميه موفور الصحه والعافيه
امييييييين
في23,أيار,2008 - 02:08 مساءً, معتز خلة كتبها ...
غيابك طال
جمعة مبروكة مباركة بأذن الله
في23,أيار,2008 - 06:38 مساءً, المستغفر فاطمة كتبها ...
بسم الله
السلام عليكم ورحمة الله وبركاته
اخي الفاضل إبن البلد
كتباتكم تعنى بالموضوع كموضوع وتدخل في إطار التبليغ المعبر عنه بسخرية ورمزيات تجمع الاقتصادي باسياسي بالاجتماعي ونهج نمط المنولوج الداخلي كواقع وكتصوير وتركيب الخطاب على نسق المباشرة كذهنية تحوي في طياتها تكالبات القوالب السوسيو ثقافية والسوسيو نفسية واجتماعية وسياسية
بغكراهات وتموجات تفتح الباب على مصراعيه كرحابة تجارب وكنقذ فيه تمرد وسخط سلك الحبكة السردية جعلت من النص مدرسة توصيل وقول ماورائي مقرونا كذلك بعتمة الأنظمة وتوجهاتها وسياستها ثم نجد انسنة الكائنات الحية وتويق الربط بين المفارقات الحيوانية والإنسانية كإضفاء
تستغرق في استبطان وعي إنساني حر ومطلق ناطقا ومتحسسا الظلم البشري وقولبته على الضمير الجمعي بشتى أشكاله
أحييك وتشرفت بمعرفتكم
في24,أيار,2008 - 04:19 صباحاً, ابن مصر كتبها ...
ابن البلد الشهم
صباح الفل
خير اللة ما اجعلة خير .. هو انا عديتك بالكسل و لا اية
طب خدلك حبيتين انتيبايوتك و امتعنا بادرجات الجميلة
في24,أيار,2008 - 09:53 صباحاً, معتز خلة كتبها ...
أبن بلد
أنت خايف تيجى عندى ؟
ياعم أنا بحب أجى عندك
تحياتى
في24,أيار,2008 - 09:54 صباحاً, أشرف الشافعى كتبها ...
احييك ياابن البلد على براعتك فى الكتابة الساخرة
حواريتك ولغتك واختيارك للموضوع وما به من إسقاطات بسيطة غير معقدة
بجد ضحكت بعنف وبقالى مدة مش عارف اضحك
انت كاتب مميز حقاً
ونحن نحتاج لمثل هذا النوع من الكتابة التى نفتقدها
تذكرت حينما كنت اقع من الضحك على كتابات الراحل يوسف عوف
استمر فى هذا الجنس من الكتابة
اعتقد انك سيكون لك شأن كبير فيه
خالص تقديرى
في24,أيار,2008 - 10:45 صباحاً, lara كتبها ...
جميل جدا مرورك لكن ما ادراك ما الطابور ----واللة لسة واقفة --
بالنسبة للحمير اصبحت اتعاطف معهم بجد بعد دخولى لمدونتك وبعد البحث عن اخبارهم
وجدت ان فى عالمنا العربى من هم اشد حمورية من الحمار لكن دون زيول( على فكرة الكلام دة دون تعميم) لانة ايضا رغم كل الظروف مازال هناك اسود لكن لم نعد نلحظها من كثرة الحمير والنهيق الذى علا صوتة وربنا يتوب علينا وعلى الحمير من الحمورية
في24,أيار,2008 - 02:25 مساءً, هدى صالح كتبها ...
ازيك يا ابن بلدى المسروقه والمتخصخصة للى بالى بالك وحشنى ياقمر بس زعلانه منك علشان بتقول انى شاده السلخ عليك وانا اقدر؟ انا بس مكنتش عارفه اوصلك اصلهم منعونى من الوصول اليك بس ولا يهمنى احارب المدونات كلها علشانك - المهم مبسوطه قوى بموضوع البرواز ده يجنن بجد كل يوم دمك بيزيد خفه بفكر ابعتلك شوية من وزارة الصحه بس اعمله تنقيه لانه فاسد معلش نصيبك بقى - واحب اقولك انى كنت تعبانه من فترة ومش قادرة اكتب لانى زهقت من الحمورية بتاعتى ونفسيتى زيرو المهم ربنا يوفقك يا احلى اخ 000000000000000000000000000000000000000000000000000000000000000000000000000 اخوك هدى
في24,أيار,2008 - 03:56 مساءً, عاشــــــقة الورد كتبها ...
أخى الكريم ابن البلد
بكل صدق اسعد جدا بكتاباتك وقدرتك على الكتابة الساخره والتعبير عنها بهذه البراعه
ادراجك حوى الفكر والترفيه بالفكاهة فى آن واحد .. فترك أثرا جميلا فى النفس
أدام الله عليك هذه الموهبة الجميلة
وأعتذر كثيرا عن تقصيرى فى الزيارة مؤخرا لأسباب قهرية
لك منى كل التقدير والإحترام
في24,أيار,2008 - 05:17 مساءً, صابرين الصباغ كتبها ...
انا مابحسش
يبقى أنا برواز
سهل كسري
واللي فاكر قلبي حديد
أقول ياخسارة
ده محصلشي حتى قزاز
نسيت اللحمة وباكل
مِش
من عيل بصرخ
وبكش
ولجامي
مسكته لغيري
كتر خيره
حتى لو
ياكل خيري
ابن بلدي هنا تخرج مني تنهيدة قاتلة
من كتر الهم مابقاش فيه لاخشى ولادم
سعيدة بمروري ومرورك هناك
دمت رائعا
وليكن دوما موعدا في تمام الشاعة العاشقة صباحا
في24,أيار,2008 - 05:44 مساءً, أم ليث كتبها ...
أخي أبن البلد
يسعد مساك
وشكرا على الإطراء فهذه حقيقة دينية لن يستطيع أحد إنكارها
وشكرا لتوصيل الفكرة بطريقة المضحك المبكي .........أصلح
الله الأحوال للعرب جميعا فالوضع واحد على إختلاف التفاصيل
تحياتي وتقدريري لك
في24,أيار,2008 - 07:21 مساءً, عاطف الفراية كتبها ...
ازّيك
عامل ايه
في24,أيار,2008 - 08:39 مساءً, المستغفر فاطمة كتبها ...
مقتطفات من كلامك
العزيزةبالله فاطمه
انا داخل عندك علي ساتحياء ومكسوف وموطي وشي في الارض
بعد التعليق اللي كتبتيه عندي في المدونه "لامؤاخذه" ده كتير اووووووووي عليا
وانا مستهلشي كل الكلام الجميل اللي كتبيته والنقض الرائع والتحليل المبدع للنص
خلتيني ابقي مغرورورررر اوي من نفسي وراح اقدم علي وظيفه وزير الثقافه قريب
وانا مليش اي فضل في الكتابه دي خالص انا بكتب بعفويه والله العظيم ودي اول مره
اتجنن وافكر كتب اللي بيجي في دماغي
ربنا يبارك فيكي
رفعتي روحي المعنويه
بس بردك مش هاتخلي ابدا عن الحمير بتوعي
السلام عليكم
اسف ان رجعت تاني
بس بجد والله انا قريت التعليق بتاعك اكتر من مره مفمتش غير ان انا بقيت " مدرسه"
وانا اللي طول كمري ماكنت بحلم ان اكون رجل كرسي او سبوره
خايف بجد اقولك انش مش فاهم
احسن تغيري فكرتك عني وتقولي ان زي الحمير بتاعتي
بسم الله
السلام عليكم ورحمة الله وبركاته
أخي الفاضل إبن البلد
مش عيب أنك مبتفهمش لكن العيب إنك مش عاوز تتعلم وتحلل
الغبي ليس الذي لايفهم بل الغبي هو اللي ما بيريد يفهم
تعرف إني ربنا كرم بني آدم وشرفه ثم دعانا لحماية الحيوان وكل الحيونات تفهم وتحس وتتالم بس برضو علينا أن لانصغر من نفسنا أنت قوي وقادر ولديك فكرة وكلمة كتبتها ذي قيمة ومفازة
إبن بلدي تق بنفسك وكافح ومتقوليش أنك زي البرواز إاللي صنع البرواز هو انت شفتي البرواز جميل وفي زوأ وانت مختش بالك
الحمار حتى وإنو حمار فهو صابر ومتحمل وبيعمل ويسقط وينهض
عاوزة أأولك حاجة العفوية هي أكثر الأمور روعة وكل ما كنت بسيط كنت أكثر براعة والفضل لله ولجهدك بس إنت مش متعترفشي ليه؟
مصر قوية ولنا فيها الأثر والعبر وفيها العظماء
ومش حأولك تعليقي عن ما ذكرت في التعليق أنا عاوزة إنك تقولي
أختك في الله
في24,أيار,2008 - 09:53 مساءً, wafa massoud كتبها ...
آآآآآآآآآآآآآآه يا ابن البلد فينك يا بلد ........
ربنا يغير الحال الى الأفضل يارب للجميع في كل بلادنا
فكرتني بأغاني الحقبة الماضية الجميلة... لكنني وان الان بقرأها بكيت!!!!
وفقك الله
في25,أيار,2008 - 01:29 مساءً, mona sawy كتبها ...
***...بقى يا مجدع تشوف صوري اللي من التمتنينات ..
...و تسأل اذا كنت متجوزه....؟؟؟؟...دى كانت تبقى مصيبه لو لسه........!!!!!!!!
...بس برضه ما يمنعش ان كلمتين حلوين للي في سني مطلوبين
...خصوصاً لما يشوفهم حفيدي الي عنده عشرين سنه
..و الي هو اصغر من بنتي..بأسبوع....و من الواقعه دي
... كتبت فيلم ليلة عسل لسهير البابلي و سماح انور..
.
في25,أيار,2008 - 05:42 مساءً, ابن مصر كتبها ...
مساء الفل ياابن البلد
صيحح محدش بيموت من الجوع والى خلق العصفورة بيعطيها اكلاها
لكن المشكلة مش فى الاكل و بس يعنى لما تشوف ناس بتموت عشان ياخد بجنية عيش
و بما انك ابن البلد الشهم ممكن تتولى بدل وزارة التضامن توزيع العيش على الناس الغلابة
دى غير الناس الغلابة الكبر فى السن و مش بتقدر تقف فى الطوابير
اية رايك يا بطل ممكن و لا على
في25,أيار,2008 - 05:50 مساءً, المستغفر فاطمة كتبها ...
باسم الله
السلام عليكم ورحمة الله
إبن بلدي الحبيبة
أحييك أوي وزت احتراما لك
أكتب ..عبر .قب..ومفيش مشكلة إنك تخطأ
مازالت فيك روح فانت كائن وحتوصل مهما كان نوع عملك بس يكون مايخرجشي على المقومات إاللي رسمها ربنا فهمتني
عاوزة انده لك باسمك لكن مش مشكلة
مدونة إبن البلد حلوة وعنوانها فيه انتماء ووطنية لمصر الحبيبة
تعرف أن مصر في الوجدان وفي الضمير وفي التاريخ
لاتسأل من اكون بل اسال ما العمل الذي أقدمه والذي سوف أجده في الاخرة
لاتقل لو لو تفتح ابواب العجز والتنكيل وذا طبيعي انك لما تبدأ في مزاولة عمل ما وترتاح له وتجلس دائما لمزاولته يصبح عندك التصاق وتعود به لكن ليس بشراسة لكل امر حدوده
نعمة التوازن لابد وان تشرق في كل مكمن
فكل عمل إبداعي هو عمل تحريضي لابد له من مغامرة من بحث من تبادل له ركائز وله سبيل تكريس الحوار الحضاري ةتنسيق العمل الإبداعي بالتعلم بالسبر .....
إن شاء الله ساكتب لك ما وددت التنصيص عليه فيما لم تفهمه
عندي بعض المشاوير العملية ..لدي نبطشية ..ثم بحث في موضوع مرضي
برجو إنك تكون كويس مع احترامي
أختك فاطمة
في25,أيار,2008 - 06:19 مساءً, معتز خلة كتبها ...
أبن بلد
أبن البلد
هات الجديد
مش لازم صور حمير
أنا عارفك متأخر بتدور على صور حمير مضحكة
بقولك
أسلوبك حلو حتى لوناقل كلمات وأفكار من برة
عجبتى حكاية لو عندك بقرتين جدا
أنت بتعانى من غياب الموضوع ولا الصور
لو كنت مكانك كنت كتبت كل يوم تعليق
في26,أيار,2008 - 09:16 صباحاً, ابن البلد كتبها ...
والله ياعم معتز
لو كنت قريت موضوع البقرتين كله كنت عرفت انه منقول
وانا انا هاحزفه
علشان كان اول ادراج ليا وانا مش كاتب في حاجه خالص
و انا حزفت الادراج
كما وعدت في تعلقي من زمان اوووووي
وبعدين ايه موضوع صور الحمير المضحكه ؟؟؟؟؟؟
اللي بتتكلم عنه ياكبير
ده احنا بقينا مضحكين اكتر من الحمير
احنا بقينا مسخره ياستاذ معتز
ولا حضرتك مش من هنا تقريبا ؟؟؟؟؟؟؟
ربنا يوفقك في حياتك ويكرمك ياجميل
طريقك غير طريقي خالص
في26,أيار,2008 - 10:15 صباحاً, معتز خلة كتبها ...
أنا طريقى زراعى
وبجرى ألم مشاهدين صح
علشان الناس تقرأ لازم تدعوهم
ولازم تكون صداقات مع ناس متوافقة معاك فى الرأى
أنت مش حتعرف أهمية دورى غير لما تصحى من النوم
تلاقى الرغيف بألف جنيه
ياأبن البلدأحنا محتاجين حميرك بكرة حيخلص بترولنا
طريقك الفكاهة ودى هم الملايين
البسمة حلوة لما تطلع مؤدبة
وأنت راجل ياعم